mireio
Cant proumié
Frederi Mistral
Cante uno chato de Prouvènço.
Dins lis amour de sa jouvènço,
A travès de la crau, vers la mar, dins li blad,
Umble escoulan dóu grand Oumèro,
Iéu, la vole segui. Coume èro
Rèn qu'uno chato de la terro,
En foro de la Crau se n'es gaire parla.
Emai soun front noun lusiguèsse
Que de jouinesso ; emai n'aguèsse
Ni diadèmo d'or ni mantèu de Damas,
Vole qu'en glòri fugue assado
Coume uno rèino, e caressado
Pèr nosto lengo mespresado,
Car cantan que pèr vautre, o pastre e gènt di mas !
Tu, Segnour Diéu de la patrìo,
Que nasquères dins la pastriho,
Enfioco mi paraulo e douno-me d'alen !
Lou sabes : entre la verduro,
Au soulèu em'i bagnaduro,
Quand li figo se fan maduro,
Vèn l'ome aloubati desfrucha l'aubre en plen.
Mai sus l'aubre qu'éu espalanco
Tu toujour quihes quauco branco
Ounte l'ome abrama noun posque aussa la man,
Bello jitello proumierenco
E redoulènto e vierginenco,
Bello frucho madalenenco
Ounte l'aucèu de l'èr se vèn leva la fam.
Ièu la vese aquelo branqueto,
E sa frescour me fai lingueto !
Ièu vese, i ventoulet, boulega dins lou cèu
Sa ramo e sa frucho inmourtalo…
Bèu Diéu, Diéu ami,sus lis alo
De nosto lengo prouvençalo,
Fai que posque avera la branco dis aucèu !
retour sommaire
Chant 1er
Dans les amours de sa jeunesse,
A travers la crau, vers la mer , dans les blés,
Humble écolier du grand Homère,
Je veux la suivre. Comme c'était
Seulement une fille de la glèbe,
En dehors de la Crau il s'en est peu parlé.
Bien que son front ne resplendit
Que de jeunesse, bien qu'elle n'eût
Ni diadème d'or ni manteau de Damas,
Je veux qu'en gloire elle soit élevée
Comme une reine, et caressée
Par notre langue méprisée,
Car nous ne chantons que pour vous, ô pastres et habitants des mas.
Toi, Seigneur Dieu de ma patrie,
Qui naquis parmi les pâtres,
Enflamme mes paroles et donne moi du souffle !
Tu sais : parmi la verdure,
Au soleil et aux rosées,
Quand les figues mûrissent,
Vient l'homme, avide comme un loup, dépouiller entièrement l'arbre de ses fruits.
Mais sur l'arbre dont il brise les rameaux,
Toi, toujours tu élèves quelques branches
Où l'homme insatiable ne puisse porter la main,
Belle pousse hâtive,
Et odorante , et virginale,
Beau fruit mûr à la Magdeleine,
Où vient l'oiseau de l'air apaiser sa faim.
Moi, je la vois cette branchette,
Et sa fraîcheur provoque mes désirs !
Je vois, au souffle des brises, s'agiter dans le ciel
Son feuillage et ses fruits immortels…
Dieu beau, Dieu ami, sur les ailes
De notre langue provençale,
Fais que je puisse aveindre la branche des oiseaux.